Mov fuelhkie

Mov fuelhkie

Åvla

Mov nomme Åvla. Manne leam njieljieluhkien jaepien båeries. Manne jïh mov fuelhkie  Staaresne årroeminie. Mov leah göökte maanah. Mov nïejten nomme Sajle jïh mov baernien nomme Aanta. Mov gåmman nomme Sööfe.  Mijjen aaj bïenje, Tjeehpe, jïh gaahtoe, Veelke. Manne doekijinie barkeminie. Daelie manne mobiltelefovnh doekeminie.  Manne lyjhkem gærjam lohkedh. Joekoen luste histovrijegærjah lohkedh. Manne aaj lyjhkem vaeresne mïnnedh. 

 

 

 Sööfe

Mov nomme Sööfe. Reakasovvim jaepien 1967. Mov leah göökte maanah jïh geelle. Stjørdaeleste båatam, jïh daelie Staaresne årroeminie.  Manne leam raeriestæjja, men daelie manne lohkehtæjjine barkeminie. Manne lyjhkem tjoejkedh jïh ålkone årrodh. 

 

 

 

Sajle

Mov nomme Sajle. Luhkienjieljien jaepien båeries. Manne noereskuvlesne vaadtsam. Mubpien jaepien jåarhkeskuvlesne aalkam. Im manne daejrieh maam edtjem sjïdtedh. Im gan daejrieh maam lyjhkh darjodh. Daajram hov gellie aath mejtie im lyjhkh. Im lyjhkh lohkedh jïh im lyjhkh saavredh. Im lyjhkh ålkone årrodh jïh im lyjhkh maanah. Im lyjhkh beapmoeh jurjiehtidh jïh im lyjhkh bååhkesjidh. 

 

 Aanta

Mov nomme Aanta. Aadtjegh luhkie gaektsie jaepieh illeme. Manne jåarhkeskuvlesne vaadtsam. Elektrihkerfaagem lohkeminie.Manne sïjhtem elektrihkerinie sjïdtedh.  Manne lyjhkem tjengkerem tjïektjedh jïh mov voelpigujmie ektine årrodh. Manne aaj lyjhkem musihkem goltelidh. Muvhten aejkien aaj gitaarem spïelem.

 

 

                                                        

   (trykk her for å lytte)                                                                    (trykk her for ordliste)

 

 Vaestedh gyhtjelasside:

  1. Man gellie maanah Åvlan?
  2. Mejnie Åvla barkeminie?
  3. Maam Åvla lyjhkoe lohkedh?
  4. Mejnie Sööfe barkeminie?
  5. Guktie Sööfen geellen nomme?
  6. Man båeries Sööfe?
  7. Gubpede Sööfe?
  8. Maam Sajle sæjhta sjïdtedh gosse
    båarasåbpoe?
  9. Maam Åvla sæjhta sjïdtedh ?

 

   Tjaelieh åenehks teekstem dov jïh dov fuelhkien bïjre.

 

 

This entry was posted in Aalkoe (under arbeid). Bookmark the permalink.

Comments are closed.