Gööledh

 

Gööledh


Tjidtjie: – Gåabph edtjh?
Jovna:    – Edtjem mïnnedh gööledh, men im rikti daejrieh gåabph.
Tjidtjie:  – Lihtsejaevrie sån gööles jaevrie. Mïnnh dahkoe.
Jovna:     – Man gåhkese vaedtsedh?
Tjidtjie:   – Medtie 5 kilomeeterh.
Jovna:      – Magkerh guelieh dennie jaevresne?
Tjidtjie:    – Dååpmehkh jïh raavrh.
Jovna:      – Mejtie edtjem maarhki mietie kroehkedh?
Tjidtjie:    – Ih maarhkh daarpesjh gænnah. Utnieh sluvkem. Dellie sih guelieh dijpieh.
Jovna:       – Datne desnie aarebi gööleme?
Tjidtjie:     – Nov amma, gellien aejkien. Åvtesne dellie provhkimh viermieh jadtehtidh. Manne sovkim jïh aehtjie viermieh jadtehti.
Jovna:       – Dagke edtjem viermieh aaj meatan vaeltedh?
Tjidtjie:     – Ij daelie naan vïnhtse desnie. Vaeltieh dov håagk’staavram meatan.
Jovna:       – Mejtie tjoerem mov sïejmem målsodh?
Tjidtjie:     – Jovven, jis stoerre dååpmehke dabrene, dellie hov bööremes nænnoes sïejmem utnedh. Aellieh dov nejpiebeelhtem åajaldehtieh!
Jovna:       – Manne joe dam tsaakeme.
Tjidtjie:     – Voessem aaj tsagkeme?
Jovna:       – Jaavoe.
Tjidtjie:     – Mij dov voessesne?
Jovna:       – Gejhkiebearkoeh, prïhtjhgiebnie, prïhtjhvoesse, ebrievaarjoeh jïh såarah.
Tjidtjie:      – Guhkiem gaatoeh?
Jovna:        – Båatam mån gåatan iehkiedasse.
Tjidtjie:      – Vaejtie hov guelieh dellie gaskebeajjan jirreden.
Jovna:        – Nov amma!
Tjidtjie:      – Nåå nåå, tjidtjie!
Jovna:    – Nåå nåå dellie!

 

    (trykk her for å lytte)                                                                (trykk her for ordliste)       

 

 Vaestedh gyhtjelasside:

  1. Maam edtja Åvla darjodh?
  2. Gåabph Åvla edtja?
  3. Mannasinie ij viermieh meatan vaeltieh?
  4. Mannasinie sïejmem molse?
  5. Maam lea voessese tsagkeme?
  6. Gåessie vihth gåatan båata?

 

_________________________________________________

utrop_ikon[3]   Gööledh hører til verbgruppe VI og bøyes etter dette mønstret:

 

___________________________________________________

Lïerehtimmieh:

    Tren på verbbøyning i MORFA-B : verbgruppe VI (presens)

       Les mer om: VERB

This entry was posted in Uncategorized. Bookmark the permalink.

Comments are closed.