Piere gåårvede

Piere edtja gåårvedidh.
Skåapese vaadtsa jïh vaarjojde ohtsede. Tjeehpes guapah, kruana abpese jïh plaave måvhka. Piere gåårvede. Voestegh abpesem tsaaka.  Veartenen bööremes abpese. Pieren tjidtjie ij dam abpesem lyjhkh gænnah.
“Ih goh edtjh doem sleengkedh? Dïhte ååpsen geljie jïh stoerre!” tjidtjebe pråvhka jiehtedh. Piere åtna dïhte dan mïevhkes jïh hijven. Ij seatedh gænnah guktie vååjnoe.
Eeremes tjidtjebe sïjhteme Pierem gaarvoehtidh, men ij gan åadtjoeh.
Piere sæjhta jïjtje veeljedh guktie edtja gåårvedidh.
Mïevhkes, stoerre jïh geljies vaarjoeh hov bööremes.
Piere åtna mahte gaajhkh klaerieh leah tjaebpies, mohte ij jovjerööpses.
Ikth dellie tjidtjebe jovjerööpses sjåarhtoem öösti.
Piere ij gåessie gænnah dam tsaakeme.
Dallegh Piere edtja skuvlese. Tjuara skodtedh. “Manne gåårveldahkesne! ” tjidtjeben gåajkoe tjåårve.

    (trykk her for å lytte)                                                                (trykk her for ordliste)       

 Vaestedh gyhtjelasside:
1. Gusnie Piere vaarjojde gaavna?
2. Maam dïhte gåårvede?
3. Man åvteste ij tjidtjie Pieren abpesem lyjhkh?
4. Maam Pieren tjidtjie eeremes sïjhteme?
5. Magkerh klaerieh Piere lyjhkoe?