Muerjieh tjöönghkedh

Lisa:       – Maam datne dorjeme daan biejjien?
Aahka:    – Manne möörjeme.
Lisa:        – Maam leah möörjeme?
Aahka:    – Manne leam sirrieh tjöönghkeme.
Lisa:        – Gusnie dellie tjöönghkeme?
Aahka:     – Dunnie skåajjesne, hæhtjoen duekesne.
Lisa:          -Jïjnjem gaavneme?
Aahka:      – Nov amma, 10 lijhterh. Daelie edtjem sirriejoptsem voessjedh. Sïjhth mannem viehkiehtidh?
Lisa:           -Jovven, dam gujht sïjhtem. Maam daarpesjien?
Aahka:       – Månnoeh daarpesjien:

6 dl sirrijste
1 lijhterh tjaetseste
5 busth dïjnehkijstie
2 busth pearajaavvojste
½ dl galme tjaetseste

Lisa:           – Daelie gaajhkem ohtsedamme. Maam edtjem daelie darjodh?
Aahka:       – Gurkh tjaetsiem voessjemelihtien sïjse. Bïejh aaj sirrieh jïh dïjnehkh  lihtien sïjse. Daelie edtjh dam doeltehtidh.
Lisa:           – Daelie doelteje. Man guhkiem edtja doeltedh?
Aahka:       – Boelhketjem. Mænngan pearajaavvoeh dejnie galme tjaetsine pleentedh jïh voessjemelæhtan gurkedh. Mujhtieh dellie sjåavoehtidh.
Lisa:            – Mannasinie pearajaavvoeh bïejedh?
Aahka:        – Dannasinie joptse edtja såakodh.
Lisa:            – Ja, vuajnam gujht. Daelie hov söökebe sjædta.
Aahka:        – Njaelkieslaakan badth hopsoe!
Lisa:            – Nov amma. Manne vïenhtem joptse joe gaervies!
Aahka:         – Manne edtjem buertiem dealodh, jïh dle sirriejoptsem gedtsien.

 (trykk her for å lytte)                                                              (trykk her for ordliste)      

 Vaestedh gyhtjelasside:

1. Maam Lisan aahka daan biejjien dorjeme?
2. Gusnie aahkebe möörjeme?
3. Man jïjnjh sirrieh gaavni?
4. Maam dah guaktah edtjijægan voessjedh?
5. Provhkh datne möörjedh? Maam provhkh möörjedh?