Mij lea Saaran gåetesne?

Saara Tråantesne årroeminie. Saaran gåetesne jïjnjh tjïehtjelh. Desnie lea tjööke, ståapoe, laavkometjïehtjele, göökte åeremetjïehtjelh, kåava jïh tjeallere.

Åeremetjïehtjelisnie lea seangkoe, seangkoenvaarjoeh, göökte skåaph jïh stovle. Mubpene tjïehtjelisnie leah jïjnjh stååkedimmietjåenieh. Dah leah seangkoen bealesne jïh seangkoen nuelesne.

Ståaposne lea soffa, stovle jïh buertie. Saaran lea kraevies gærjahælloe, mesnie jïjnjh gærjah. Dan lea stoerre plïehtje TV vïedtjesne. Vïedtjesne aaj akte stoerre guvvie jïh dennie guvvesne lægan Saaran aehtjie gon tjidtjieh. Vïedtjen klaerie lea veelkes. Klaasine leah rööpses klaaselijnieh jïh desnie aaj jïjnjh ovmessie blåammah.

Tjöökesne lea beapmoebuertie jïh njieljie stovlh. Klaasesne plaave klaaselijnie jïh buertesne aaj seammaligke dealoe. Tjöökesne aaj gellie skåaph. Skåapine leah kåahph, klaash jïh ovmessie gaerieh.

Tjeallarisnie leah jïjnjh båeries aath. Desnie båeries vaarjoeh jïh gaamegh mejtie ij Saara sïjhth sleengkedh.  Saaran lea aaj stoerre gilmehtahke tjeallarisnie. Gilmehtahkesne leah beapmoeh jïh muerjieh. 

Jïjnjh ovmessie aath Saaran gåetesne.

tjööke – kjøkken
ståapoe – stue
åeremetjïehtjele – soverom
laavkometjïehtjele – bad
kåava – gang
klaase – vindu
okse – dør
tjïehtjele – rom
buertie – bord
stovle – stol